مين يجاوبني ؟

من المعروف ياجماعة ان المرأة شخصية رقيقة ورائعة في نفس الوقت

ورغم ان المرأة ليها عيوب كتير بس ليها مزايا كتير


وسؤالي هو :

هل المرأة شخصية ضعيفة أمام أي كلمة حب أوحنان ؟

ورغم ان المرأة في معظم أوقاتها بتحسب كل حاجة وتعرف الصح من الغلط

ولكن

برغم كده أي كلمة حب بتتقال من أي شاب فهي بتميل ليها


وللأسف بتدي للشباب فرصة للتمادي غ ده


بس ايه الحل؟

وليه الشباب لما يشوفوا ان البنت صدقت كلامه بيتمادي في كلامه برغم انه بيخدعها في كلامة


ايه اللي بيسفاده أي شاب من ده؟

ياريت أي حد يديني رد مقنع للكلام ده

بسم الله الرحمن الرجيم




يشرفنى ياهمس انى اكون اول واحد يرد عليكى



بس ياهمس انا شايف انك بتجمعى بان الشباب مخادع



لكن للاسف فى فعلا شباب مخادع زى مافى بنات كمان مخادعه


بس كمان فى ناس محترمه شباب وبنات بيقدرو الحب ويسمو بيه وبالمشاعر


اما بالنسبه لسؤالك على ان البنت ضعيفه قدام كلام الحب


فاكيد البنت والولد كمان ضعفاء قدام كلام الحب حتى لو كان واحد فيهم يخدع التانى


بمعنى لو ان الولد هو الى بيخدع البنت وقلها مثلا انا بموت فيكى وانتى قلبى وعمرى وكده يعنى


فهى بتضعف قدام الكلام بس مش علشان هو كلام حب لكن علشان هى مستقبله الكلام ده بقلبها واحساسها


وهى متاكده ان الانسان ده صادق فى حبه


انا على فكره مقر بان الولاد كتير منهم يستحقو الموت لانهم بيخدعو قلب ملوش اى ذنب كل ذنبه انه حب ووثق


علشان كده ياريت الشباب والولاد يفهمو يعنى ايه جرح قلب


اما كمان بان الشباب بيتمادو فى كلامهم لما لاقو ان البنت مسدقاهم


فامش كل الشباب زى بعض فى شباب بيحترم نفسه الاول وبيحترم الى حبته لانها ملهاش ذنب


وفعلا فى شباب بيعين كلام بس صدقينى مش كتير بس بيعرفو كل يوم وحده علشان كده بينجرح كتير




اما بالنسبه للاستفاده



فبما ان الشاب ده اكيد مش محترم لانه قبل انه يخدع بدون اى سبب انسانه ماتستحقش اى جرح


فاكيد انه هيستفاد

بمعنى انه لما يقعد مع صحابه مثلا


يقول والله دا انا بكلم 5 بنات مع بعض


دا انا عرفت 50 بنت لعند دلوقتى وكده


كلام منظره يعنى بس فى الاساس هو الخصران كمان لانه كده بيشيل من قله الثقه فى الناس والحب


وكمان بيعود نفسه على عدم تحمل المسؤليه وكمان يكون قلبه مات يعنى ماينفعش يحب او يتحب






بس كده ياهمس يارب اكون جاوبتك وياريت الشباب والبنات يستفيدو من الكلام ده لانه بجد موضوع خطير جدا

في الأول خليني أقولك حمدالله علي السلامة ونورت المنتدي


كان من غيرك جميل طبعا هههههههههههههههه


تاني حاجة أحب أشكرك علي المشاركة الجميلة دي


وأكيد طبعا زي ما في ولاد مش كويسة في برده كويسيين والمثال علي ده انت طبعا


وانت غيرت فكرتي عنهم بس بنسبة قليلة


وبجد ردك يقنع


بس أنا خلاص أخدت فكرة وحشة عنهم ومستحيل تتغير


لأن هو ده الموجود دلوقتي مفيش حب صادق


ولو في بيبقي بنسبة قليلة


وشكرا تاني مرة علي المداخلة الجميلة دي